Greqia pritet të përfshihet nga një ciklon i fuqishëm i krijuar në Mesdheun jugor, ndërsa reshje të dendura shiu, madje reshje ekstreme dhe të rrëmbyeshme priten në shumë vise të territoreve greke. Reshjet do të shkaktojnë vërshime masive në ato rajone, ndërsa priten edhe stuhi shumë të fuqishme në formë shtrëngatash intensive dhe breshër masiv.
Për të gjitha këto përgjegjës është sistemi mjaft i fuqishëm ajror me presion të ulët atmosferike. Një sistem i tillë i ngjashëm gjendet afër Iberisë ku shkatojë stuhi dhe vërshime masive nga të cilat humbën jetën disa njerëz. Ky sistem në Iberi tani është dobësuar dhe po largohet nga Gadishulli Iberik, ndërkohë që sistemi në Greqi do të forcohet edhe më tutje dy tri ditët e ardhshme me stuhi dhe reshje të rrëmbyeshme shiu.
Sistemi do të fuqizohet aq shumë saqë ka gjasa që të krijohet edhe një uragan mesdhetar apo medikan diku në Mesdheun jugor mes Greqisë, Italisë dhe brigjeve të Afrikes së veriut./METEOBALLKAN
