Fillimi i javës solli borë edhe në ultësira në Kroaci. Sasia e madhe e borës ka bllokuar disa nga autostradat e këtij vendi, derisa pastrimi i rrugëve është duke vazhduar, transmeton Meteo Ballkan.
Shumica e rrugëve nacionale përmes Likës janë të mbyllura për të gjitha grupet e automjeteve për shkak të borës dhe erërave të forta.
Në të gjithë vendin është në fuqi alarmi i motit. Ngjyra e kuqe tregon mot jashtëzakonisht të rrezikshëm dhe edhe zonat përgjatë bregdetit dhe ishujve janë shënuar në hartë. Është në fuqi për shkak të stuhive, të cilat do të sjellin edhe erëra mjaft të fuqishme në zonë.
Stuhi e madhe bore pritet edhe në Bosnjë me reshje mjaft intensive, ku trashësia pritet të arrijë të paktën deri në gjysmë metre në ultësira e mbi një metër në viset malore.
Edhe Bosnja këtë mëngjes është duke u përballur me probleme në komunikacion si pasojë e reshjeve. Disa rrugë edhe atje tashmë janë mbyllur derisa pastrimi po vijon./MeteoBallkan/
