Ardhja e një super-cikloni nga Atlantiku në Evropë po shkakton stuhi të fuqishme kalimtare në shumë pjesë të Evropes ku pritet të preken pothuajse të gjitha shtetet evropiane duke filluar që nga Spanja e Portugalia në jugperëndim deri në Skandinavi në veri.
Më së shumti pritet të goditen Franca, veriu i Gjermanisë, shtetet e Beneluksit etj. ndërsa në orët e hershme të mëngjesit vërehet thellim i mëtujteshëm i ciklonit në detin verior ku priten stuhitë më të fuqishme të godasin Danimarken me erëra mbi 100 km/h. Këto masa ciklonike do të përfshijnë pastaj edhe Suedinë dhe pjesët tjera të Skandinavisë
Masat e fuqishme ciklonike do të depërtojnë edhe në Mesdhe duke trazuar ujërat edhe në Itali dhe Detin Adriatik, por nuk priten stuhi aq të mëdha sikur në veri të Gjermanisë dhe Danimark. Megjithatë stuhi të fuqishme priten edhe në bregdetin slloven, Bosnjë e Hercegovinë, pjesë të Malit të Zi dhe Shqipërisë, por asgje ekstreme.
Në territoret tona do të kemi fuqizim të rrymimeve ajrore nga jugu dhe shtim gradual të vranësirave. Këto vranësira do të sjellin reshje lokale shiu fillimisht në Mal të Zi dhe pjesë të Shqipërisë, ndërsa reshje shiu parashihen edhe në Kosovë dhe Maqedoninë Veriore, por në sasi dukshëm më të pakta./MeteoBallkan
