Një stuhi ka mbërritur mbrëmjen e së mërkurës nga drejtimi i Sllovenisë në Kroaci duke sjellë reshje shiu, bubullima dhe erë të fortë.
Erërat e forta goditën qytetin e Zadarit duke marrë gjithçka para. Një varkë, e cila ndodhej jo shumë larg bregut, është dëmtuar nga erërat e forta. Ajo ishte ankoruar pak më larg nga bregu.
Siç është raportuar nga HRT mëngjesin e sotëm, të 10 anëtarët e ekuipazhit u shpëtuan dhe kaluan të padëmtuar. Bëhej fjalë për shtetas sllovenë.
Zjarrfikësit kanë raportuar se kanë marrë njoftim për një zjarr në një hapësirë të hapur në zonën e Zhrnovnicës (kodra Perun) mëngjesin e sotëm pak para orës tetë për shkak të një goditje rrufeje.
Pak më vonë është marrë njoftimi për një zjarr në Kornat.
Paralajmërimi për stuhi është ende në fuqi në dy rajone, Rijekë dhe Gospiq, ndërsa meteorologët bëjnë të ditur se në disa vende janë të mundshme reshje më të theksuara me bubullima dhe erëra të fuqishme.
“Bëhuni vigjilentë për stuhi të mundshme më të forta. Tregohuni veçanërisht të kujdesshëm në zonat e ekspozuara si male, pyje dhe livadhe, apo fusha të hapura”, thuhet në faqen e DHMZ.
