Një sistem i fuqishëm nga Atlantiku përshkoi mbrëmë shumë pjesë të Evropës duke kushtëzuar stuhi të fuqishme lokale shiu me vetëtima dhe bubullimë. Stuhitë më të fuqishme ndodhën në Francë dhe pjesë të Gjermanisë, ndërsa më vonë gjatë natës reshje të dendura shiu përfshin edhe Zvicrën dhe Italinë veriore. Në viset malore pati reshje të dendura bore.
Sistemi do të vjen drejt juglindjes duke destabilizuar motin edhe në rajonin tonë.
Para ardhjes së sistemit kemi rritje të temperaturave dhe njëkohësisht kemi krijimin e një cikloni sekondar në veri të Italisë. Ky ciklon do të vijë direkt në territoret tona së bashku me frontit e ftohtë nga veriu e veriperëndimi.
Fillimisht priten reshje shiu, lokalisht edhe rrebeshe intensive, ndërsa mbrëmjen e së mërkurës depërton fronti i ftohtë me erëra veriore dhe reshje bore në shumë vise të Republikës së Kosovës.
Fronti do të mundësojë ardhjen kalimtare të temperaturave të ftohta me origjinë polare dhe po ashtu pritet krijimi i shtresave dekorative të borës, por jo në tërë territorin tonë.
Në viset kodrinore-malore priten intervale reshjesh të dendura bore, lokalisht edhe në disa vise të ulëta të Republikës së Kosovës.
Stabilizim të motit do të kemi nga e premtja e veçanërisht nga fundjava./METEBALLKAN
