Pesë persona kanë humbur jetën dhe më shumë se 100 të tjerë janë detyruar të largohen nga shtëpitë e tyre pasi pjesa lindore e Rumanisë u godit nga përmbytje të mëdha mbrëmjen e 13 shtatorit.
Qarku Galati dhe Vaslui u prekën më rëndë, me banorë të bllokuar që kërkuan strehim në çatitë e shtëpive, ndërsa prisnin ekipet e shpëtimit për evakuim.
Niveli i ujit në disa zona ka arritur deri në 3 metra për shkak të reshjeve të rrëmbyeshme, shkruan ap.
Përmbytjet kanë bllokuar shumë rrugë në këto qarqe, duke krijuar një situatë të vështirë për autoritetet dhe ekipet e emergjencës.
Sipas autoriteteve rumune, 19 fshatra në tetë qarqe të ndryshme janë prekur nga përmbytjet.
Ndërkohë, reshje të tjera shiu janë parashikuar për ditët në vijim, duke rritur alarmin për përmbytje të mundshme në rajone të tjera, përfshirë Republikën Çeke, Poloninë, Sllovakinë, Hungarinë, jugun e Gjermanisë dhe disa pjesë të Austrisë.
Autoritetet në këto vende janë në gatishmëri për të përballuar situatat e emergjencës që mund të vijnë nga reshjet e ardhshme.
Galaţi: Sute de persoane evacuate, locuinţe inundate şi drumuri blocate din cauza viiturilor – https://t.co/iVkUXlbFYX
Sursa video: ISU Galaţi pic.twitter.com/1lE1jhTUYf
— AGERPRES (@agerpres) September 14, 2024
