Një ciklon mjaft i fuqishëm po afron në pjesën veriore të Detit Adriatik dhe në veriperëndim të Ballkanit duke shkaktuar reshje intensive dhe stuhi të fuqishme lokale me rrebeshe intensive dhe breshër në shumë pjesë të Sllovenisë dhe Kroacisë.
Cikloni po lëviz në drejtim të Evropes qendrore dhe si pasojë në viset tona do të kemi rrymime të fuqishme ajrore nga jugu. Reshjet e shiut nga ky ciklon do të arrijnë deri në Mal të Zi dhe disa pjesë të Kosovës, por në viset tona do të ketë shumë pak reshje krahasuar me Slloveninë, Kroacinë, shumë pjesë të Bosnjë dhe Hercegovinës, pastaj disa pjesë të Serbisë dhe Malit të Zi. Riga shiu priten edhe në veri të Shqipërisë.
Cikloni nga veriu i Italisë dhe Ballkani do të ikë në drejtim të Evropes qendrore dhe Skandinavisë duke shkaktuar reshje dhe rrebeshe intensive.
Në viset tona reshjet do të jenë shumë më të pakta. Reshje paksa më intensive priten në Mal të Zi dhe thellë në veri të Shqipërisë, kurse në zonat tjera para shihen të kemi reshje kryesisht të pakta lokale, ndërsa orëve të pasdite zhvillime konvektive të cilat mund të jenë mjaft të fuqishme, por krejtësisht të izoluara.
Në aspektin termik temperaturat do të shënojnë rritje të ndjeshme për shkak të rrymimeve të fuqishme ajrore nga jugu dhe jugperëndimi. Vetëm në viset me vranësira më të shumta temperaturat do të jenë më të ulëta.
Pra, nga nesër në viset tona më nxehtë dhe me zhvillime të izoluara, kurse vala e fuqishme e nxehtësisë verore afrikane do të na përfshijë në dhjetëditëshin e parë të Qershorit./MeteoBallkan
