Vazhdon mot jashtëzakonisht i paqëndrueshëm në Mesdheun perëndimor me masa ajrore ciklonike “të ngujuara” brenda disa zonave të cilat kushtëzojnë reshje dhe zhvillime të vazhdueshme të shirave të rrëmbyeshëm siç ishte rasti me Italinë ku pati përmbytje të mëdha në disa vise të Italisë.
Reshjet nga Italia nuk erdhën në viset tona shkaku i bllokut të fuqishëm anticiklonik.
Rrebeshe intensive priten ende në disa zona të Italisë sidomos në veriperëndim të vendit dhe shumë vise në perëndim dhe veri të Italisë ku priten stuhi të reja shiu me rrebeshe mjaft intensive.
Rrebeshet dhe shtrëngatat më të fuqishme parashihen në jug të Francës, pastaj në jug dhe lindje të Spanjës, ngase kjo masë ajrore mjaft e fuqishme ciklonike nga Italia do të rrugëtojë në mënyre retrograde nga Italia në drejtim të jugut të Francës dhe Gadishullit Iberik.
Disa nga këto rrebeshe shiu do të përfshijnë edhe pjesë të Ballkanit, kryesisht Slloveninë dhe pjesë të Kroacisë me reshje lokale shiu dhe rrebeshe të lokalizuara shiu me vetëtima dhe bubullimë, ndërkohë që rrebeshet nuk do të avansojnë drejt viseve tona ngase anticikloni i konsoliduar mbi viset tona nuk do të bëjë fare shaka por do të mbajë atmosferën të stabilizuar edhe për shumë ditë duke pamundësuar ardhjen e masave ajrore të paqëndrueshme, prandaj në viset tona presim edhe disa ditë stabile dhe të qëndrueshme.
Reshje shumë intensive parashihen që nga Italia veriperëndimore, jugu i Francës dhe shumë pjesë të Iberisë (Spanjë-Portugali).
Mesdheu perëndimor ciklonik dhe Ballkani anticiklonik është kryefjala e motit gjatë këtyre ditëve./MeteoBallkan
