Stuhia e fuqishme dimërore që përfshiu Bosnjën dhe Hercegovinën ka shkaktuar edhe viktimën e parë njerëzore duke mbytur meteorologun e Shërbimit Meteorologjik të Sarajevës i cili kishte shkuar për të marrë të dhënat në terrenin e egër dimëror në Malin e Bjellashnicës.
Ekipet e shpëtimit pas katër ditë kërkimesh intensive kanë arritur të gjejnë trupin e pajetë të Mirze Tucakovic 46 vjeçar i punësuar në Shërbimin meteorologjik të Bosnjës dhe Hercegovinës.
Ekipet e shpëtimit nuk kanë mundur të bëjnë më shumë për shkak të reshjeve të vazhdueshme dhe intensive të borës gjatë procesit të kërkimit të meteorologut i cili çuditërisht duke e ditur se stuhia e borës po afron shkoi në malin e Bjellashnicës 2000 m. lartësi mbidetare për marrë të dhënat nga aparatet meteorologjike.
Duke “injoruar” alarmet meteorologjike për stuhinë e madhe të borës është shumë e çuditshme se si meteorologu boshjak ka shkuar i vetmuar duke e ditur për ardhjen e stuhisë.
