Një stuhi e fuqishme dimërore, e shoqëruar me borë, akull, erë dhe temperatura jashtëzakonisht të ulëta, preku pjesën më të madhe të Amerikës dhe çoi në mbylljen e shkollave dhe shërbimeve qeveritare dhe shkaktoi probleme të mëdha trafiku nga shtetet qendrore dhe jugore të SHBA deri në Lindje.
Bora dhe akulli mbuluan autostrada në disa shtete të SHBA-së, përfshirë Indianën, ku Garda Kombëtare duhej të ndihmonte shoferët e bllokuar.
Paralajmërimet për stuhi dimërore janë lëshuar nga Kansas dhe Misuri në Nju Xhersi. Guvernatorët në disa shtete, duke përfshirë Kansasin, Kentakin, Arkansasin, Virxhinia Perëndimore, Virxhinia dhe Maryland, kanë shpallur gjendjen e jashtëzakonshme, raporton Reuters.
◽Znatan deo Sjedinjenih Država zahvatila je snežna oluja – što je uzrokovalo zatvaranje institucija američke vlade i škola u Vašingtonu i okolini.
▪️U američkom glavnom gradu očekuju se padavine veće od 20 centimetara. pic.twitter.com/uKH4mmCFlD
— Glas Amerike VOA (@GlasAmerikeVOA) January 6, 2025
Në kryeqytetin amerikan, Uashington, pritet të bjerë nga 15 në më shumë se 20 centimetra borë. Shkollat janë mbyllur, ashtu si edhe zyrat e qeverisë. N
Si pasojë e stuhisë së fortë, pesë persona raportohen të vdekur.
Shtatë shtete amerikane shpallën gjendje emergjente: Maryland, Virxhinia, Virxhinia Perëndimore, Kansas, Misuri, Kentaki dhe Arkansas.
Më shumë se 2,300 fluturime janë anuluar, me afro 9,000 vonesa të raportuara gjithashtu për shkak të motit ekstrem të shkaktuar nga vorbulla polare e ajrit të ftohtë të akullt. /Reporteri.net/
