Një sistem i fuqishëm stuhish është zhvilluar papritmas në Gjirin e Meksikes dhe është duke hyrë tani në territorin e Teksasit si Stuhi Tropikale.
“Imelda” po godet drejtëpërdrejtë juglindjen dhe lindjen e Teksasit dhe në Luizianë të Shteteve të Bashkuara të Amerikes me reshje ekstremisht të fuqishme dhe erëra që arrijnë shpejtësinë nga 70 deri në 90 km/h. Rreziku kryesor nga kjo stuhi do të jenë reshjet jashtëzakonisht të dendura si pasojë e lagështisë së vazhdueshme që po depërton nga Gjiri i Meksikes në drejtim të Teksasit duke i dhënën energji të vazhdueshme Stuhisë Tropikale Imelda. Problem tjetër i madh është lëvizja shumë e ngadaltë e stuhisë dhe kjo bënë që sasi të mëdha të reshjeve të bien vazhdimisht në zona të njëjta.
Pra, priten vërshime potencialisht të rrezikshme edhe për jetët njerëzore në Teksas paralajmërojnë meteorologët amerikanë./Meteoballkan
