E gjithë vëmendja mediatike botërore tani është përqëndruar tek Uragani vdekjeprurës Dorian i cili po shkakton probleme të mëdha në Oqeanin Atlantik, gjegjësisht në brigjet lindore të Shteteve të Bashkuara të Amerikes, në anën tjetër kemi Tajfunin Lingling në Oqeanin Paqësor në Azi.
Tajfuni Lingling është duke u fuqizuar dhe pritet të godas Tajvanin verior dhe pastaj do të afektojë ishullin Okinawa dhe pjesë të territorit të Kinës dhe Japonisë në atë pjesë të globit. Tajfuni pritet të godas pjesën jugperëndimore të Koresë Jugore dhe poashtu edhe Koresë Veriore, me erëra nga 100 deri në 150 km/h si dhe me shira të rrëmbyeshme.
Jemi në kulminacion të Stuhive Tropikale dhe dikush mund të mendojë se këto fenomene janë të pazakonshme, megjithatë nuk është krejt e pazakonshme të kemi kaq shumë stuhi të fuqishme tropikale në pikun e sezonës së tyre që është muaji Shtator.
