Rrymimet e forta ajrore nga jugu po kushtëzojnë erëra lokalisht të fuqishme sot dhe kjo për arsye të cikloneve të fuqishme në veri-veriperëndim të Evropës të cilat po shtrijnë ndikimin e tyre deri në territoret tona të cilat gjenden në sektorin e ngrohtë të këtyre masave të fuqishme ciklonike.
Gjatë ditës së nesërme (të premten) pritet të kemi destabilizim të fuqishëm të atmosferës edhe te ku priten zhvillime të fuqishme të vranësirave të shiut duke përfshirë edhe ato konvektive që kushtëzojnë rrebeshe lokalisht të fuqishme shiu me vetëtima dhe bubullimë dhe shtrëngata të fuqishme lokale.
Rrebeshe shumë të fuqishme shiu priten në Mal të Zi dhe Shqipëri ku mund të ketë edhe problematika afatshkurtra, por sipas ecurive më të fundit sinoptike edhe në Kosovë dhe Maqedoninë Veriore të premten pasdite lokalisht do të ketë zhvillime të fuqishme konvektive që do të kushtëzojnë rrebeshe lokalisht të fuqishme shiu me vetëtima dhe bubullimë.
Moti mjaft dinamik do të vazhdojë edhe të shtunën kur fillimisht do të kemi erëra nga jugu, por më vonë me ardhjen e frontit të ftohtë do të kemi rrymime nga veriu dhe reshje shiu e bore në viset malore. Fronti i ftohtë do të kushtëzojë ulje të temperaturave dhe pastrimin e ajrit edhe këto ditë përmban grimca nga pluhuri saharian.
Reshje afatshkurtra bore mund të ketë të shtunën vonë edhe në disa zona paksa më ulëta mbidetare në Kosovë, ndërsa të dielën pritet të ketë stabilizim të motit e nga e hëna rritje e sërishme e temperaturave dhe rikthim i rrymimeve ajrore nga jugu./MeteoBallkan
