Vala e fortë e nxehtësisë verore që po krijohet në Mesdheun perëndimore e ka origjinen nga Afrika Veriore, ndërsa kjo hartë tregon se temperaturat në Algjeri jo shumë larg Mesdheut kanë arritur deri në 47 gradë Celsius paksa lartë edhe për standardet e Afrikes veriore.
Sidoqoftë, nuk është diçka e pazakontë kjo nxehtësi në shkretëtirat e Afrikes veriore, por kjo na tregon për fuqinë e madhe të kësaj vale të nxehtësisë ekstreme. Kjo valë nxehtësi pritet ti afrohet Evropes dhe Ballkanit, normalisht jo me këtë intensitet ekstrem. Më së shumti do të pësojnë disa rajone mesdhetare si Spanja jugore dhe shumë të Italisë që do të kenë temperatura dukshëm mbi 40 gradë Celsius në fund të javës së ardhshme.
Temperatura deri në 40 gradë Celsius do të vijnë edhe në Ballkan duke përfshirë edhe pjesë të Shqipërisë, Malit të Zi dhe Maqedonisë së Veriut. Në Kosovë parashihet të arrijë deri në 37 ose 38 gradë Celsius në bazë të ecurive aktuale që ende mund të pësojnë ndryshime të vogla./METEOBALLKAN
