Vala e nxehtësisë ka përfshirë më së shumti territorin e Gadishullit Ballkanik, kurse përpos Ballkanit shumë nxehtë është sot edhe në jug-qendër të Spanjës, jug të Rusisë, juglindje të Ukraines, perëndim të jug të Turqisë dhe pjesët qendrore të Evropes me theks të veçantë në Poloni. Në të gjitha këto regjione temperaturat kanë arritur deri në 35 dhe më lartë.
Në Mostar sot është regjistruar temperatura mbi 41 gradë Celsius, por pak më freskët është në Kosovë. Edhe në Shqipëri ku ka zhvillime të izoluara është shumë nxehtë dhe me zagushi në zonat ku nuk ka zhvillime.
Disa vende evropiane po përjetojnë mot mjaft të freskët dhe me stuhi të shpeshta kalimtare me rrebeshe shiu me vetëtima dhe bubullimë, por këto nuk pritet të arrijnë te ne për shkak të bllokades anticiklonike nga fuqizimi masiv i anticiklonit Afrikan mbi viset tona dhe rajonet përreth.
Vala e nxehtësisë do të vazhdojë në viset tona edhe për shumë ditë, me ndërprerje afatshkurtra në ndonjë rajon për shkak të zhvillimit eventual të ndonjë stuhie kalimtare të izoluar.
Në fotografinë kryesore keni temperaturat aktuale sot në Evropë dhe Ballkan./MeteoBallkan
