Kjo javë siç e kemi përshkruar edhe në postimet paraprake po kalon me mot mjaft jo stabil por jo shumë i ftohtë dhe kështu do të jetë e tërë java, me ngritje dhe ulje të shpeshta të temperaturave po nuk pritet asgjë ekstreme.
Ajo çfarë është interesante na vjen nga mesi i Dhjetorit e tutje ku ka tendenca për ngritje të ndjeshme të temperaturave dhe duket sikur po shkojmë kah pranvera dhe jo kah dimri. Masa ajrore të nxehta nga Afrika Veriore do të depërtojnë mbi rajonin tonë të shoqëruara nga një anticiklon mjaft i fuqishëm i cili do të garantojë mot stabil. Pra, nga mesi i Dhjetorit pritet ngritja e temperaturave por në raste të caktuara mund të krijohet mjegulla e cila do të ndikojë që në disa rajone të jetë ftohtë shkaku i inversionit të temperaturave. Gjithashtu priten edhe disa të thata, pra pa reshje atmosferike.
Sidoqoftë deri atëherë na pret një mot mjaft i ndryshueshëm dhe me reshje të shpeshta shiu, në viset kodrinore -malore me reshje bore. Dimër të vërtetë në Kosovë, Shqipëri dhe Maqedoninë Veriore (me përjashtim të viseve malore) nuk ka të paktën deri me datën 20 të këtij muaji e ndoshta edhe më gjatë./Meteoballkan
