Një tërmet i fortë me magnitudë 6.9 ballë ndodhi në Antarktidë pranë bazës kiliane Eduardo Frei, i cili u vu në gatishmëri për evakuim për rrezikun nga cunami.
Tërmeti u regjistrua në 20:36 me orën lokale në një thellësi prej 15 kilometrash dhe epiqendër rreth 210 km në lindje të bazës kiliane.
Zyra Kombëtare e Emergjencave e Ministrisë së Brendshme Kilian (Onemi) ka kërkuar të “braktisë bregdetin e territorit Antarktik” nga frika e një cunami.
Baza e forcave ajrore kiliane është më e madhja e vendit në Antarktidë dhe përfshin një fshat, spital, shkollë, bankë, zyrë postare dhe kishë.
Popullsia maksimale në verë është 150 persona, dhe popullsia mesatare në dimër është 80.
Kili është një nga vendet më aktive sizmike në botë. Një tërmet me madhësi 8.8 në Concepcion më 27 shkurt 2010, la më shumë se 500 të vdekur.
Vendi pësoi tërmetin më të fuqishëm të regjistruar ndonjëherë 60 vjet më parë – me madhësi 9.6 ballë – në Valdivia.
