Një grua 56-vjeçare kanadeze ka vdekur pasi u përfshi nga një stuhi dëbore e papritur në malet Dolomite të Italisë.
Sipas mediave lokale, shoqëruesi i saj po trajtohet për hipotermi të rëndë, njoftoi të premten Korpusi Italian i Shpëtimit Alpin.
Gjegjësisht, dy alpinistë, të rraskapitur dhe thuajse të ngrirë, kanë thirrur për ndihmë mbrëmjen e së enjtes pasi janë goditur nga një stuhi dëbore rreth dy kilometra larg strehës malore. Alpinistët nuk u identifikuan me emër ose vendlindje.
Ekipet e shpëtimit arritën tek ata, por moti i keq ndaloi dy përpjekje për të evakuuar gruan, gjendja e së cilës ishte përkeqësuar, me helikopter – duke e çuar në vdekjen e saj pak kohë më vonë në mal.
Sa i përket shoqëruesit të saj, ai u strehua në një tendë të ngritur gjatë natës dhe më pas u dërgua me avion në spital herët në mëngjes të së premtes. Ai aktualisht po trajtohet në një spital në qytetin Bolzano në veri të Italisë.
Richmond Hill woman dies after being caught in a sudden snowstorm in Italy’s Dolomite mountains https://t.co/G4sqBUAZZf
— CityNews Toronto (@CityNewsTO) September 14, 2024
