Vala e fuqishme e nxehtësisë verore ka përfshirë shumë pjesë të Spanjes duke rritur temperaturat dukshëm mbi 30 gradë Celsius dhe kjo valë e fuqishme ka ardhur në muajin Prill që është ende herët për nxehtësi kaq të madhe.
Shumë pjesë të Spanjes dhe juglindja e Portugalisë janë përfshirë nga i nxehti afrikan dhe një ndër valët më të fuqishme të nxehtësisë për muajin Prill.
Qyteti spanjoll Kordoba ka thyer rekordin e të gjitha kohëve prej se bëhen matjet meteorologjike të temperaturave duke vendosur rekordin për tërë Spanjen për nxehtësi ekstreme për muajin Prill.
Shërbimet meteorologjike evropiane njoftuan se temperatura arriti deri në 37.6 gradë Celsius so në Kordoba të Spanjes. Përderisa Gadishulli Iberik po përjeton valë të madhe nxehtësie rajoni ynë po përballet me temperatura të ulëta për këtë periudhë kohore, ndërsa mëngjesi i së premtës pritet të sjellë acat të lehtë në shumë vise të Republikës së Kosovës dhe rajonit më gjerë./METEOBALLKAN
