Dy persona kanë të vdekur nga një tornado në ishullin e vogël italian Pantelleria, ndërsa shumë kanë mbetur të plagosur dhe janë shkaktuar dëme të mëdha materiale.
Tornado goditi ishullin në jug të Sicilisë, pak para orës 19:00 të së premtes mbrëma.
“Për shkak të stuhisë së madhe, shtyllat janë rrëzuar, çatitë u dëmtuan dhe pemët u rrëzuan,” thanë zjarrfikësit, raportoi AP.
Në këtë ishull zakonisht qëndrojnë njerëz që zgjedhin të bëjnë pushimet.
Agjencia italiane e lajmeve ANSA tha se një zjarrfikës dhe një burrë 86-vjeçar kanë humbur jetën.
Viktimat ishin në makina, të cilat fluturuan në ajër dhe u përmbysën, dhe të paktën një makinë ra në çati, ndërsa tjetrës i ishte thyer pjesa e përparme.
Nëntë persona janë në mesin e të plagosurve, dy prej të cilëve në gjendje kritike, tha kryebashkiaku i Pantelleria, Vincenzo Vittorio Campo, për TV Sky TG24 dhe deri më tani nuk ka asnjë informacion për të zhdukurit.
Lutto cittadino oggi a #Pantelleria dopo la tromba d'aria che ha colpito l'isola ieri pomeriggio, provocando la morte di 2 persone. Nove i feriti, alcune case distrutte, decine le auto sollevate dalla tempesta. Il punto con Letizia Vella #Gr1 pic.twitter.com/1GNYtjwCoT
— Rai Radio1 (@Radio1Rai) September 11, 2021
