Uragani mjaft i fuqishëm i kategorisë 3 Humberto në këto çaste dhe orët e ardhshme do të godas direkt Ishujt e Bermudeve.
“Humberto” si Stuhi Tropikale goditi ditëve të kaluara Ishujt e Bahameve pas Uraganit shkatërrimtar Dorian. Pas Bahameve stuhia u fuqizua dhe u shndërrua në Uragan të kategorisë 3 dhe me këtë fuqi do të godasë direkt Bermudet.
Uragani Humberto 24 orët e ardhshme do të kalojë përmes Ishujve të Bermudeve duke goditur direkt këta Ishuj, ndërkohë që “Humberto” gjendet përballë apo paralel brigjeve juglindore dhe lindore të Shteteve të Bashkuara të Amerikes që nga Florida e deri në Nju York. Ndikimi i tij do të jetë evidentë gjatë tërë visej bregdetare amerikane.
“Humberto” pas Bermudeve do të niset në drejtim të Nju Fundland të Kanadasë por do të mbajë distancë nga toka duke rrugëatuar nëpër Oqeanin Atlantik derisa të kontaktojë me ujërat e ftohta të cilat do të ndikojnë në dobësimin e tij, megjithatë prapë do të mbetet si një sistem i fuqishëm post-tropikal dhe eventualisht mund të arrijë deri në Evropë./Meteoballkan
