Uragani Milton, të cilin meteorologët e cilësuan si “jashtëzakonisht të rrezikshëm”, po i afrohet Floridas. Uragani pritet të godasë Florida nga e mërkura deri të enjten dhe autoritetet paralajmërojnë se do të jetë “stuhia më e fuqishme” që do të godasë gadishullin “në njëqind vitet e fundit”. Për këtë arsye ata intensifikuan thirrjet për qytetarët që të evakuohen menjëherë.
“I gjithë gadishulli i Floridës është nën një lloj vëzhgimi ose alarmi,” tha të martën guvernatori Ron DeSantis. Joe Biden, presidenti i SHBA-së, u tha njerëzve se duhet të “evakuohen menjëherë”.
“Është çështje jete a vdekjeje”,tha Biden.
Kryetari i bashkisë së Tampa paralajmëroi banorët që të evakuohen.
Mediat amerikane raportojnë se në Florida është krijuar kaos pas thirrjes për evakuim emergjent. Dhjetëra mijëra njerëz bllokuan rrugët në përpjekje për t’u evakuuar dhe u bllokuan në trafik. Të martën pasdite, Milton u karakterizua si një stuhi e kategorisë 5 me erëra deri në 165 mph.
Bumpy ride into Hurricane #Milton on @NOAA WP-3D Orion #NOAA43 "Miss Piggy" to collect data to help improve the forecast and support hurricane research.
Visit https://t.co/3phpgKNx0q for the latest forecasts and advisories
Visit https://t.co/UoRa967zK0 for information that you… pic.twitter.com/ezmXu2Zqta— NOAA Aircraft Operations Center (@NOAA_HurrHunter) October 8, 2024
– Kjo do të jetë një stuhi që do të ndryshojë jetë – raporton BBC fjalët e Gerald Lemus, një banor i Floridës që ka jetuar atje gjithë jetën. Ai gjithashtu tha se nuk është evakuuar asnjëherë për shkak të uraganit.
– Nuk e kam parë kurrë kaq të qetë këtu. Të gjithë u larguan”, tha një tjetër banor, Steve Crist.
Meteorologu nga Florida, John Morales, shpërtheu në lot ndërsa raportonte për fuqinë e uraganit Milton.
– Është thjesht një stuhi e pabesueshme, e pabesueshme, e pabesueshme. Ai ra… Ai ra… – tha Morales ndërsa zëri i tij dridhej.
Më pak se dy javë më parë, uragani Helene, stuhia më vdekjeprurëse që goditi SHBA-në që nga Katrina në 2005, shkatërroi juglindjen e SHBA-së, duke vrarë të paktën 225 njerëz dhe duke lënë qindra të zhdukur. Vdekje u raportuan në Xhorxhia, Karolinën e Jugut, Tenesi dhe Virxhinia, dhe shtetin më të goditur, Karolinën e Veriut.
Nga këto vdekje, të paktën 14 u raportuan në Florida, ku 51 nga 67 qarqe tani janë nën paralajmërime emergjente për uraganin Milton.
