Një “përbindësh” në Karaibe i cili u krijua dhe u forcua aq shpejtë sa që tronditi botën meteorologjike.
Është fjala për Uraganin Milton i cili tani ka fuqinë e Kategorisë 4 pasi që humbi pak fuqi, megjithatë prapë pritet të arrijë Kategorinë 5 si shkalla më e lartë e stuhive në planet. Uragani pritet të godas Floridën e Shteteve të Bashkuara të Amerikes, rajon i cili sapo filloi të rikuperohej nga shkatërrimet e Uraganit Helene.
Uragani Helene shkaktoi dëme të mëdha materiale dhe viktima njerëzore, ndërsa Miltoni duket edhe më i frikshëm ngase është më i fuqishëm dhe pritet të godas direkt Floridën. Pas Florides Mitlon kalon në Oqeanin e hapur dhe rreziku mbaron, por Florida mund të pësojë dëme katastrofike.
Banorët e Floridës janë urdhëruar të evakuohen për të shpëtuar nga furia e Uraganit Milton i cili pritet të godas të mërkurën mbrëma dhe mëngjesin e së Enjtes me tërë fuqinë e tij. Logaritet se në kohën e goditjes së tij në token e Florides do të jetë një uragan e Kategorisë 3 që është jashtëzakonisht e rrezikshme dhe destruktive, me valëzime masive nga Deti dhe reshje të dendura nga vranësirat masive të Uraganit, ndërsa erëra do të jenë destruktive, prandaj parashihen përmbytje masive dhe dëmtime të mëdha nga erërat uraganike.
Erërat në detin e hapur kanë arritur shpejtësinë deri mbi 300 km/h kurse në tokën e Florides në perëndim ato pritet të jenë rreth 200 km/h. (afër syrit të Uraganit) për tu dobësuar pak a shumë pak më thellë në tokë, por mbeten shumë të fuqishme dhe potencialisht destruktive./MeteoBallkan
