Sot në Kosovë do të mbajë mot kryesisht me diell dhe mjaft i nxehtë. Temperaturat maksimale do të arrijnë deri në 33 apo 34 gradë celsius. Pasdite në disa rajone mund të ketë zhvillim vranësirash me rrebeshe të izoluara shiu.
Mot shumë i nxehtë do të vazhdojë të mbajë edhe në Shqipëri ku temperaturat maksmale do të arrijnë deri në 36 gradë celsius. Pasdite në disa rajone të Shqipërisë e më së shumti në juglindje dhe jug do të ketë rrebeshe të izoluara shiu me vetëtima dhe bubullimë.
Në Maqedoni gjithashtu do të kemi mot shumë të nxehtë dhe me diell. Vetëm lokalisht ose sporadikisht mund të ketë ndonjë zhvillim vranësire me ndonjë rrebesh të izoluar shiu.
Mot i ngjashëm do të vazhdojë të mbajë edhe ditëve të ardhshme, pra kryesisht me diell dhe shumë i nxehtë si dhe rallë herë me ndonjë rrebeshe të izoluar shiu.
Ishte ky parashikimi i motit për nesër dhe ditëve në vijim nga Meteoballkan.
