Sot si në Kosovë po ashtu edhe në Shqipëri dhe Maqedoni do të vazhdojë të mbajë mot kryesisht me diell dhe vranësira të pakta. Netët do të fillojnë të ftohen për shkak të gjatësisë së tyre. Temperaturat nuk do të shënojnë ndonjë ndryshim.
Pra, rajoni ynë edhe më tutje do të vazhdojë të jetë nën ndikimin e masave të fuqishme ajrore të thata anticiklonike. Bllokada anticiklonike nuk lejon kursesi që në rajonin tonë të depërtojnë masat e lagshta ajrore të cilat do të sillnin reshje atmosferike.
Edhe ditëve të ardhshme nuk pritet ndonjë ndryshim i motit, pra do të vazhdojë mot i ngjashëm dhe i kthjellët, me shumë rreze dielli gjatë ditës por me mbrëmje, netë dhe mëngjese mjaft të ftohta.
Ky ishte parashikimi i motit për sot dhe ditëve të ardhshme nga meteoballkan. Për çdo ndryshim eventual do të njoftoheni me kohë në postimet tona të ardhshme./Meteoballkan.
