Rajoni ynë gjendet nën ndikimin e masave të nxehta ajrore me origjinë nga Afrika Veriore që si pasojë kemi ngritjen e ndjeshme të temperaturave dhe po ashtu kemi edhe ardhjen e pluhurit Saharian në rajonin tonë.
Dy tre ditët e ardhshme nuk priten reshje atmosferike, me përjashtim të disa rajoneve kodrinore-malore ku mund të ketë rrebeshe të izoluara shiu me vetëtima dhe bubullimë. Temperaturat do të shënojnë ngritje të mëtutjeshme. Rajonet ku do të ketë gjasa për rrebeshe lokale shiu do të jenë jugu dhe lindja e Shqipërisë si dhe juglindja e Kosovës. Do të vazhdojë të fryjë erë e dobët dhe mesatare nga jugu dhe juglindja. Të shtunën pritet fronti i ftohtë ajror i cili do të shkaktojë destabilizim të fuqishëm të atmosferës sepse sipërfaqja në rajonin tonë do të nxehet nga temperaturat e larta dhe çdo depërtim i fronteve të ftohta dhe të lagështa ajrore nga Atlantiku shkakton procese të bujshme atmosferike siç janë vetëtimat, bubullimat, rrebeshet e shiut, breshëri etj. /Meteoballkan
