Një ciklon i fuqishëm është krijuar në brigjet e Afrikës veriore dhe verilindore, gjegjësisht në Libi dhe Egjipt. Ky ciklon do të rrugëtojë në drejtim të Greqisë dhe Turqisë dhe në vete përmban vranësira të dendura dhe pikërisht këto vranësira me periferinë e tyre do të përfshijnë edhe rajonin tonë duke kushtëzuar edhe reshje simbolike shiu në disa pjesët të Shqipërisë, Maqedoninë veriore dhe të shtunën edhe në disa pjesë të Kosovës. Në viset kodrinore-malore priten reshje të dobëta bore.
Në anën tjetër në Evropën verilindore dhe lindore do të krijohet një anticiklon i fuqishëm dhe ndeshja mes këtyre dy masave ajrore do të shkaktojë edhe erëra lokalisht të fuqishme këtë fundjavë, por nuk pritet asgjë ekstreme.
Gjatë ditës së shtunë në Kosovë vende-vende erërat do të arrijnë shpejtësinë maksimale rreth 50 km/h, kurse të dielën pak më shumë rreth 60 km/h dhe do të fryjnë nga drejtimi i verilindjes dhe lindjes. Në disa vise malore të Shqipërisë shpejtësia e erës do të arrijë deri në 80 km/h.
Vranësirat do të jenë prezente gjatë kësaj fundjave me mundësi për shpërbërjen e tyre të dielën, kurse kthjellimet dhe përmirësimi substancial i motit në rajonin tonë do të vije gjatë javës së ardhshme.
Acar nuk pritet të ketë për shkak të vranësirave deri natën mes së dielës dhe së hënës./Meteoballkan/
