Derisa disa pjesë të Evropës vazhdojnë të “digjen” në disa pjesë të tjera po ndjehet një ulje e temperaturave.
Moti shi dhe erëra po bën që të ndjehet vjeshta në pjesën veriperëndimore. Në disa zona të larta të Austrisë dhe Gjermanisë është ndjerë dimri, shkruan Al Jazeera.
Në bjeshkët në Austri është ndjerë freskia dhe i ftohti, pasi që të shtunën dhe të dielën atje trashësia e borës ka shkruar në 50 centimetra. Borë ka pasur edhe në Garmisch-Partenkirchen në jug të Gjermanisë.
Sipas banorëve rezidentë reshjet e borës në gusht janë të pazakonta, por që sasia e borës që ka rënë ka qenë e tillë. Por ky mot dimëror nuk pritet të zgjasë shumë. Temperaturat parashihen që në Salzburg të arrijnë deri në 27 gradë prej mesjavës.
