Fronti i ftohtë që pritet të arrijë të Premten në territoret tona do të kushtëzojë krijimin e një cikloni sekondar diku në Detin Jon i cili do të zhvillohet dhe do të lëvizë shumë ngadalë në drejtim të Greqisë. Kjo situatë sinoptike mund të konsiderohet tipike dimërore, por megjithatë edhe pse do të jetë ftohtë, ajri i ftohtë nuk do të jetë shumë i fuqishëm për të kushtëzuar reshje më të shumta bore në zonat më të ulëta.
Priten reshje bore në gati tërë territorin e Republikës së Kosovës, ndërsa në viset kodrinore-malore priten edhe shtresa bore, madje solide në disa zona. Shtresa mund të krijohen edhe në disa zona më të ulëta mbidetare si p.sh. në Rrafshin e Kosovës, me ndonjë përjashtim. Reshjet bore mund të ketë edhe në shumë vise të Dukagjinit, por do të përzihen me shi. Pra, para nesh një mot dimëror me ajrin e ftohtë arktik jo aq të fuqishëm.
Reshjet do të jenë të herëpashershme, pra jo pa ndërprerje.
Reshje e shiut të përziera me borë do të fillojnë mëngjesin e hershëm të se Premtes. Pastaj mund të ndërpriten të premten për të rifilluar përsëri të Shtunën. Në viset kodrinore-malore të Kosovës pritet skenar i vërtetë dimëror.
Në Shqipëri reshjet do të jenë kryesisht në formë shiu në zonat mesdhetare, ndërsa borë priten në zonat ku tradicionalisht vjen borë në këto raste siç janë viset kodrinore-malore sidomos në veri, verilindje, lindje dhe juglindje të vendit. Reshjet intensive shiu priten në Maqedoninë Veriore e në viset malore reshje të dendura bore.
Cikloni do të stacionohet në juglindje të Evropes duke ecur shumë ngadalë dhe duke kushtëzuar reshje të shpeshta shiu e bore në gati të gjitha territoret tona.
Ende mund të ketë korrigjime në modele sa i përket llojit dhe sasisë së reshjeve atmosferike dhe për çdo të re do të njoftoheni me kohë në postimet tona tjera sonte ose të Enjten./MeteoBallkan
