Pas masave të fuqishme ciklonike që sollen reshje të dendura atmosferike ditëve të kaluara, radhën e kanë masat ajrore të thata, stabile anticiklonike, por lajmi i mirë është se këto masa stabile nuk do të zgjasin shumë, prandaj entuziastët e reshjeve atmosferike presim me padurim sistemet tjera me shpresë se do të sjellin borë.
Përderisa në viset tona po fuqizohen masat stabile anticiklonike në Britani të Madhe po përgaditen për depresionin e fuqishëm që është formuar në Atlantik, sistem ky i fuqishëm ciklonik që do të kushtëzojë stuhi të fuqishme shiu e bore në Britaninë e Madhe.
Në viset tona:
Sot (E Shtunë) kemi stabilizimin e plotë të atmosferës, njëkohësisht ardhjen e masave ajrore të ftohta Arktike. Si rrjedhojë moti është stabilizuar plotësisht por është dukshëm më ftohtë.
Dy frontet e fuqishme të ditëve të kaluara sollën reshjet e borës pas një kohe të gjatë të mungesës së tyre në trojet tona, por jo të gjithë u kënaqen sepse bora mungoi prapë në shumë zona. Fronti i së mërkurës ishte shumë më i fuqishëm se fronti i mbrëmjes së kaluar.
Tani masa ajrore anticikloke po fuqizohet edhe më shumë duke stabilizuar plotësisht atmosferën. Gjatë mbrëmjes do të kemi ulje të theksuara të temperaturave për shkak të kthjellimit të motit dhe mases stabile anticiklonike. Priten ngrica të forta dhe mundësi edhe për mjegull. Cilësia e ajrit do të përkeqësohet gjatë mbrëmjes, natës dhe mëngjesit.
Java e re fillon me mot stabil anticiklonik. Acari i mëngjeseve do të vazhdojë, por do të zbutet sadopak, ndërsa temperaturat makismale do të fillojnë të rriten çdo ditë. Në mesjavë mund të kemi prapë frontin me reshje shiu e bore, por kjo mbetet të shihet./MeteoBallkan
