Një front i ftohtë ajror me reshje shiu e bore në viset malore ka filluar të depërtojë në viset tona. Temperaturat po shënojnë ulje dhe fronti është i shoqëruar me erëra të ftohta nga veriu e sidomos nga verilindja.
Fronti po sjellë reshje lokale shiu të cilat do të intensifikohen në mëngjes dhe paradite. Në viset malore ka reshje bore. Gjatë mëngjesit dhe paradites së të Dieles reshje shiu e bore priten në gati tërë territorin e Republikës së Kosovës. Në zonat e ulëta kryesisht shi, por mund të ketë reshje të përziera në disa zona paksa më të larta mbidetare. Në viset kodrinore-malore reshje bore.
Fronti do të përshijë fillimisht Kosovës dhe Malin e Zi, pastaj edhe Shqipërinë dhe Maqedoninë Veriore, me reshje lokale kalimtare. Në përgjithësi nuk priten reshje të mëdha. Gjatë dhe pas frontit depërtojnë masa ajrore më të ftohta.
Reshjet në përgjithësi nuk do të jenë të mëdha dhe do të jenë kalimtare. Pasditen e së dieles reshjet pritet të pushojnë, ndërsa nga veriu i Kosoves fillon ktjhellimi i motit.
Fillimi i javës së re me kthjellime, por lokalisht edhe me vranësira dhe paksa ftohtë. Mëngjeset me acar. Nën ndikimin e plotë anticiklonik nuk priten më reshje atmosferike.
Nga mesi i javës erërat gradualisht do të ndryshojnë drejtim dhe do të fillojnë të fryjnë nga jugu së bashku me rrezet diellore dhe për këtë arsye do të kemi rritje të ndjeshme të temperaturave./MeteoBallkan
