Ishte nata e 5 Dhjetorit të vitit të largët 1952 kur në Londër ra mjegulla e zakonshme por shumë e dendur. Në atë kohë Londra ishte një qytet me ajër shumë të ndotur dhe kjo për arsye të qymyrit që përdorej për djegie dhe ngrohje dhe si pasojë ndodhi një përzierje mes mjegullës shumë të dendur dhe ajrit shumë të kontaminuar nga faktori njeri. Këtë e favorizojë anticikloni shumë i fuqishëm i cili përfshiu atë kohë Britaninë e Madhe. Anticikloni ishte shumë stabil dhe rrymimet ajrore ishin shumë të dobëta, kështu që mjegulla dhe ajri i kontaminuar qëndruan për katër ditë në Britaninë e Madhe. Gjithashtu anticikloni përmbante në vete edhe ajrin e ftohtë nga verilindja dhe kjo ishte fatale sepse banorët filluan të ngrohen masivisht me qymyr. Ky fenomen shkaktojë sëmundje te njerëzit sidomos te ata që kishin probleme me traktin respirator apo me organet e frymëmarrjes. Viktimat më të shumta ishin fëmijët dhe të moshuarit si dhe ata me probleme me organet e frymëmarrjes.
Mësohet se edhe pas zhdukjes së mjegulles vdekjet e njerëzve vazhduan me javë dhe muaj të tërë për shkak të problemeve me organet e frymëmarrjes dhe numri i përgjithshëm i viktimave arriti deri në 12.000.
Pas kësaj ngjarjeje tragjike Britania e Madhe dhe e tërë bota morën masa të ashpra kundër ndotjes së ajrit që shkaktohej nga industrializimi i qyteteve të mëdha. I njëjti fenomen ishte përsëritur 10 vite më vonë por numri i viktimave ishte 90./Meteoballkan
