Përderisa Ballkani po përfshihet nga valë nxehtësie dhe stuhi të izoluara, Evropa qendrore po përballet me vërshime masive si pasojë e fryrjes ekstreme të lumenjve kemi një vend në Evropë ku temperaturat janë ulur dukshëm dhe malet janë zbardhur me reshje të dendura bore.
Nuk është fjala as për Skandinavinë dhe as për Rusinë, por kemi të bëjmë me Britaninë e Madhe, gjegjësisht Skocinë ku ditëve të fundit pati edhe reshje bore. Në gati Britaninë e Madhe temperaturat kanë pësuar ulje, megjithatë në Skoci ato u ulën aq shumë sa në viset malore të këtij vendi filluan reshje të dendura bore.
Moti mjaft dinamik dhe interesant pritet në Evropë edhe ditëve të ardhshme, ngase do të kemi pikëtakimin e masave të ndryshme ajrore. Masat shumë të nxehta me origjinë nga Afrika veriore dhe masat e lagështa dhe të freskëta që vijnë nga Oqeani Atlantiku.
Vendet ku do të kemi pikëtakimin e këtyre masave gjigande ajrore do të ketë kushte të voliteshme për krijimin e stuhive të fuqishme të shiut dhe breshërit si dhe rrebesheve mjaft intensive të shiut me vetëtima dhe bubullima masive.
Këto stuhi pritet të ndodhin që nga Gadishulli Iberik, pastaj në Evropen qendrore, lindore dhe në Rusi. Edhe në Ballkan priten stuhi por njëherë jo në viset tona, ngase ne do të jemi nën ombrellen e ajrit më stabil afrikan, megjithatë presim zhvillime të izoluara edhe në viset tona. Stuhi të fuqishme priten në veri të Italisë, Zvicer dhe përsëri në jug të Gjermanisë. Disa nga këto stuhi do të kapin edhe Slloveninë, Kroacinë, Bosnjën dhe Hercegovinën dhe Serbinë.
Për detaje tjera mbetet të shihet evoluimi i gjendjes sinoptike./MeteoBallkan
