Dita e djeshme u karakterizua me zhvillime të fuqishme konvektive, ndërsa breshri masiv shkaktoi probleme të mëdha në shumë rajone sidomos në juglindje të Republikës së Kosovëm gjegjësisht në Han të Elezit dhe Kaçanik. Breshër pati edhe në vise tjera si në Rahovec, Therandë, Prishtinë, pastaj në rajonin e Llapit dhe Gollakut dhe aty këtu në pjesët qendrore dhe veriore të Republikës.
Stuhia filloi në jugperëndim të Kosovës mes Gjakovës dhe Prizrenit dhe u zgjerua drejt viseve tjera.
Sot po ashtu ka zhvillime por shumë më të izoluara. Një celulë me rrebeshe intensive kemi tani thellë në rajonin e Gollakut.
Gjatë orëve të ardhshme do të ketë zhvillime të izoluara, por më të pakta se ditën e djeshme, megjithatë nuk duhet nënvlerësuar fare atmosferën edhe sot e cila mund të sjellë zhvillime mjaft të fuqishme konvektive dhe ndonjë stuhi të fuqishme të izoluar me breshër. Mbetet të shihen dhe shpresojmë që mos të kemi përsëritjen e ditës së djeshme./MeteoBallkan
