Reshjet e mëdha të shiut që kanë rënë ditëve të fundit kanë përkeqësuar situatën rreth përmbytjeve në Liqenin e Lucernit, Liqenin Thun dhe Liqenin Biel.
Në këto liqene tashmë ekziston shkalla 5 e nivelit të rrezikut, që është shkalla më e lartë në përgjithësi, raporton Tagesanzeiger.ch.
Ndërsa Liqeni i Cyrihut, lumi Aare në pjesën e tij poshtë Liqenit Thun, pastaj Liqeni Brienz, lumenjtë Reuss dhe Rini i Epërm (Rhein) kanë arritur të gjithë nivelin paralajmërues 4, transmeton albinfo.ch.
Transporti në Liqenin e Lucernit dhe Rhein është ndërprerë, ashtu sikur edhe në Liqenin Biel, Liqenin Neuchâtel, Liqenin Thun dhe Liqenin Brienz.
Për shkak të reshjeve të vazhdueshme të shiut, ekziston rreziku i përmbytjeve, rrëshqitjeve të dheut dhe mbetjeve në të gjithë Zvicrën.
Në Bazel, puna e mëtejshme përgatitore rreth lumit Rin (Rhein) ka filluar të enjten pasdite me synimin për parandalimin e përmbytjeve të mundshme, transmeton albinfo.ch. Siç raporton SDA, mbrojtja civile ka filluar të vendosë barriera me thasë me rërë në disa nga zonat që konsiderohen si më të rrezikuara nga përmbytjet.
