Dita e parë e pranverës nisi sot në 21 mars, me lindjen e diellit. Ardhja e stinës së pranverës përcaktohet me ndjekjen e qendrës së diellit sipas ekliptikës.
Pranvera do të zgjasë deri më 21 qershor, kur fillon stina e verës.
Me ardhjen e pranverës në fund të muajit mars ndodh edhe ndërrimi i orës. Ora dimërore do të jetë e pranishme deri në natën mes të dielës 26 dhe të hënës 27 mars 2023, kur akrepat do të kthehen në orën verore duke lëvizur një orë përpara
I quajtur ndryshe numërimi i orës verore, ky ndryshim do t’i japë mundësi të gjithë njerëzve të shijojnë sa më shumë ditën dhe rrezet e diellit.
Në vende të tjera, ky ndryshim do të ndodhë sipas orëve përkatëse lokale. Për vendet e Bashkimit Evropian, ora e gjithë zonës do të ndryshojë në të njëjtin çast.
Dita e parë e pranverës në Kosovë nis me vranësira të cilat do të sjellin edhe reshje të herëpashershme shiu. Vende-vende priten reshje paksa më intensive shiu në formë të rrebesheve të shiut, ndërsa erërat verilindore do të kushtëzojnë ulje të temperaturave, megjithatë nuk priten ulje të mëdha të tyre.
Në mbrëmje mund të ketë reshje më intensive sidomos në jug dhe lindje të vendit.
