Më shumë se 200 milionë amerikanë do të goditen nga një stuhi, e cila do të sjellë reshje bore por edhe shi dhe akull, gjë që mund të shkaktojë probleme të mëdha.
Stuhia Dimërore Petra do të godasë 39 shtete federale amerikane, duke përfshirë të gjitha vendet në lindje të lumit Misisipi, parashikon AccuWeather.
Meteorologu Eliot Abrams tha se bora do ta përfshijë pothuajse gjithë vendin.
Një stuhi dimërore, solli reshje të mëdha bore në Arizona, Kolorado dhe New Mexico të hënën, ndërsa pjesët e Arkansasit u përfshinë nga shiu i ngrirë.
AccuWeather paralajmëroi se një shtresë prej disa centimetrash bore pritet të formohet në Kansas City në Misuri, Omaha në Nebraska, De Mojna në Iowa, si dhe në qytetet e Mineapolis dhe Duluth në Minesota.
Rreziku i veçantë, sipas raportit, do të përfaqësojë shiu i ngrirë në Indiana, Ohajo dhe Pensilvani, si dhe në malet e Virxhinias perëndimore dhe Karolinës së Veriut.
