Stuhia që goditi veriun e Italisë gjatë ditës së sotme ka arritur në Kroaci pasdite. Më së shumti kanë pësuar rajonet Istria dhe Kvarner, ku një person ka mbetur i lënduar, ndërsa dëmet materiale kanë qenë të konsiderueshme. Nga stuhia është përfshirë edhe Zagrebi, ka thyer pemë dhe ka dëmtuar ndërtesa.
Siç raportojnë mediat e Kroacisë, disa qindra qytetarë kanë kërkuar ndihmë gjatë stuhisë për arsye të ndryshme. Zjarrfikësit renditën disa nga ndërhyrjet për të cilat kanë dalë gjatë pasdites.
Stuhia e fortë solli dëme të mëdha Novigradin e Istrias. Në vetëm 15 minuta ranë 150 deri në 200 pemë, u dëmtuan shumë makina e parqet u shkatërruan. Siç thotë kryebashkiaku i Novigradit, Anteo Milos, dëmet do të riparohen në 7 ditët e ardhshme. Ka shumë shërbime në terren.
“Nuk e mbajmë mend kur ka ndodhur diçka e tillë në Novigrad. Diçka e ngjashme ka ndodhur në Rovinj dhe Vrsar 20 vjet më parë. Një stuhi zbriti poshtë dhe shkatërroi gjithçka. Dëmi është i madh. Makineritë e ndërtimit janë në terren. Ranë nga 150 deri në 200 pemë, na u shkatërruan të gjitha parqet”, tha Milos për jutarnji.hr
Agjencia Hina ka bërë të ditur se sipas informacioneve të deritanishme është lënduar një person. /MeteoBallkan.com/
