Të hënën në Kosovë pritet të mbajë mot me diell, i nxehtë dhe me zagushi, por edhe me zhvillime lokale të vranësirave konvektive të cilat pritet të kushtëzojnë rrebeshe lokale shiu me vetëtima, bubullimë dhe mundësi për breshër.
Temperaturat pritet të lëvizin nga 15 deri në 32 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe zhvillime të vranësirave të cilat pasdite do të kushtëzojnë rrebeshe lokale shiu me vetëtima dhe bubullimë. Të gjitha zhvillimet od të jenë të karakterit lokal në zona të izoluara, por mund të zhvillohet ndonjë shtrëngatë e fortë në ndonjë rajon.
Të martën ulje krejtësisht të lehta të temperaturave dhe parashihen intervale kohore me diell dhe vranësira të cilat do të kushtëzojnë rrebeshe lokale shiu me vetëtima dhe bubullimë. Vende-vende priten shtrëngata të fuqishem me breshër sidomos në pjesë të Maqedonisë së Veriut.
Moti paqëndrueshëm pritet edhe të mërkurën, kurse atmosfera do të fillojë të stabilozhet ditën e enjte dhe kjo duke u bazuar në ecuritë aktuale sinoptike të cilat mund të ndryshojnë me evoluimin e gjendjes sinoptike./Meteo Ballkan
