Më 17 Nëntor, të vitit të kaluar konsiderohet të jetë shfaqur rasti i parë me Coronavirus.
“South China Morning Post” pikërisht më 17 nëntor të vitit 2019 publikoi një raport mbi koronavirusin javë para se autoritetet të njoftonin shfaqjen e virusit të ri.
Qeveria kineze u kritikua gjerësisht për përpjekjet për të mbuluar shpërthimin në javët e para, duke përfshirë goditjet ndaj mjekëve që u përpoqën të paralajmëronin kolegët për një virus të ri të ngjashëm me Sars që po shfaqej në qytetin Wuhan në provincën Hubei.
The Guardian raporton se se sipas të dhënave që ka arritur të sigurojë, një 55-vjeçar nga provinca Hubei mund të ketë qenë personi i parë i infektuar Covid-19, transmeton Reporteri.
Për rreth një muaj pas kësaj date kishte një deri në pesë raste të reja të raportuara çdo ditë, thekson raporti. Më 20 dhjetor kishte 60 raste të konfirmuara.
Numri i personave të infektuar me koronavirusin e ri (COVID-19) në botë aktualisht ka tejkaluar shifrën 55,3 milionë.
Portali “Worldometer” publikon statistika të përditësuara të pasqyrës epidemiologjike globale që nga fillimi i pandemisë COVID-19, ndërsa sipas të dhënave më të reja, numri i rasteve të infeksioneve në botë është rritur në 55.349.954.
Deri më tani në botë kanë vdekur 1.332.328 persona nga koronavirusi, ndërsa janë shëruar 38.493.826. Numri i rasteve aktive momentalisht është 15.523.800.
Pandemia e COVID-19 më shumë ka goditur Shtetet e Bashkuara të Amerikës (SHBA), ku janë infektuar 11.538.057 persona.
Sipas numrit të të infektuarve, SHBA ndiqet nga India (8.874.290), Brazili (5.876.740), Franca (1.991.233), Rusia (1.948.603), Spanja (1.521.899) dhe Britania (1.390.681), Argjentina (1.318.384), Italia (1.205.881), Kolumbia (1.205.217), Meksika (1.009.396), Peruja (938.268), Gjermania (817.526) dhe Irani (775.121). /Reporteri.net
