Fronti më i ri i ftohtë ajror do të depërtojë nesër dhe pasnesër në Gadishullin Ballkanik duke shkaktuar destabilizim mjaft të fuqishëm të atmosferës.
Shtrëngata të fuqishme lokale nesër priten në Slloveni, Kroaci, Bosnjë dhe Hercegovinë dhe Serbi. Këto shtrëngata lokalisht do të jenë mjaft të fuqishme saqë potencialisht mund të prodhojnë edhe breshër dhe tornado.
Rrebeshe të izoluara shiu nesër pasdite priten edhe në disa pjesë të Malit të Zi dhe Kosovën por krahasuar me vendet e lartëpërmendura tek ne do të janë kaluese, të izoluara dhe afatshkurtëra.
Përpara frontit temperaturat do të jenë shumë të larta dhe ne do të jemi nesër dhe pjesërisht edhe pasnesër para frontit, ndërsa pas frontit temperaturat do të shënojnë ulje.
Rrebeshe të fuqishme shiu dhe tromba priten pësëri në Adriatikun verior, pra në bregdetin slloven dhe kroat, por kësaj radhe nuk priten reshje në Adriatikun jogur, gjegjësisht në Mal të Zi dhe Shqipëri, edhe pse nuk përjashtohet mundësia për ndonjë rrebesh afatshkurtër shiu me vetëtima dhe bubullimë të shtunën vonë. Gjatë kalimit të frontit të shtunën vonë mund të ketë erëra dhe dallgë.
Sipas parashikimeve në Shqipëri nuk priten reshje të mëdha gjatë këtij fronti me ndonjë përjashtim normalisht në veri të vendit, ndërsa në Kosovë të shtunën priten rrebeshe lokalisht të fuqishme shiu me vetëtima dhe bubullimë./Meteoballkan
