Nesër në Kosovë do të mbajë mot me intervale kohore me diell dhe zhvillim vranësirash gjatë ditës. Do të jetë relativisht nxehtë. Reshje atmosferike nuk priten me ndonjë përjashtim të vogël ku mund të ketë ndonjë rigë afatshkurtër shiu në ndonjë rajon edhe pse gjasat janë të vogla.
Në Shqipëri nesër do të mbajë mot kryesisht me diell dhe i khtjellët. Në viset malore priten vranësira kalimtare. Do të jetë këndshëm nxehtë, ndërsa në qendër dhe perëndim të vendit do të jetë mjaft nxehtë me temperatura maksimale rreth 32-33 gradë celsius.
Në Maqedoninë e Veriut dhe Mal të Zi nesër pritet të mbajë mot me intervale kohore me diell dhe vranësira kalimtare. Do të jetë relativisht nxehtë. Në bregdet pritet mot i kthjellët dhe me diell.
Pasnesër mbi rajonin tonë do të kemi fuqizimin e anticiklonit i cili do të na sigurojë mot stabil, të kthjellët dhe me diell. Do të ketë ngritje të temperaturave. Reshje atmosferike nuk priten më askund në rajonin tonë.
Nga e marta priten ngritje të mëtutjeshme të temperaturave dhe pritet verë e vërtetë./Meteoballkan
