Rajoni ynë vazhdon të mbetet nën ndikimin konstant të masave të nxehta ajrore me origjinë nga Afrika Veriore dhe masave ajrore të thata anticiklonike të cilat na garantojnë mot stabil, të nxehtë dhe të thatë. Zhvillime të izoluara ka vetëm në Malin e Zi dhe më vonë mund të ketë edhe në skajin verior të Shqipërisë dhe në ndonjë rajon kodrinoro-malor në përgjithësi.
Mot i ngjashëm do të vazhdojë edhe disa ditë me temperatura të larta por edhe me vranësira të herëpashershme në nivel rajonal. Ulje të temperaturave mund të kemi javën e ardhshme, megjithatë ende është e paqartë se në çfarë mase do të ulen temperaturat dhe se a do të ketë reshje atmosferike apo jo./Meteoballkan
