Rajoni ynë ende gjendet nën ndikimin e masave ajrore të thata dhe të nxehta anticiklonike dhe për këtë arsye moti është i nxehtë, me diell por kemi edhe vranësira të herëpashershme të cilat pritet të intensifikohen vende-vende dhe kohë pas kohe.
Reshje ende nuk priten përveç në ndonjë rajon kodrinoro-malor ku mund të ketë ndonjë rigë të izoluar afatshkurtër shiu dhe disa rajone në Shqipëri ku me mund të ketë rrebeshe të izoluara shiu me vetëtima dhe bubullimë.
Në Shqipëri rriten shanset për rrebeshe të izoluara çdo ditë e më shumë dhe nga e hëna rrebeshet do të jenë më të përhapura në nivel vendi por ende nuk do të kapin tërë territorin e Shqipërisë.
Përndryshe Italia, Sllovenia, Kroacia dhe Bosna dhe Hercegovina në fillim të javës së ardhshme do të goditen nga stuhi të fuqishme me vetëtima dhe bubullimë dhe reshje të dendura shiu si pasojë e depërtimit të një cikloni nga Atlantiku.
Është ende e paqartë se si ky ciklon do të ndikojë në motin në Kosovë!/Meteoballkan
