Imazhi momental satalitor indikon disa vranësira mbi rajonin tonë të cilat nuk sjellin reshje atmosferike, megjithatë pasdite vonë nuk përjashtohet mundësia për ndonjë rigë apo rrebesh të izoluar shiu ne ndonjë rajon kryesisht kodrinoro-malor të rajonit tonë. Rrebeshe lokale priten në Mal të Zi më së shumti.
Në shumicen absolute të rajonit do të mbetet thatë, nxehtë me vranësira të pjesshme edhe sot dhe nesër.
Nga e hëna siç kemi theksuar disa herë rrebeshet do të fillojnë në Shqipëri veçanërisht në jug, jug-qendër dhe juglindje, ndërsa Kosova do të mbetet kryesisht e thatë edhe disa ditë. Reshje shiu në Kosovë apo rrebeshe lokale me vetëtima dhe bubullimë sipas ecurive aktuale sinoptike priten nga e enjta e tutje./Meteoballkan
