Temperatura maksimale gjatë ditës së sotme në Spanjë ka arritur deri në 38 gradë celsius dy më shumë se Shqipëria ku temperatura maksimale arriti deri në 36 gradë celsius në nivel vendi.
Masat ajrore të nxehta afrikane një kohë të gjatë kanë dominuar kushtet e motit mbi rajonin tonë dhe ende po vazhdojnë, megjithatë shihen tendenca dobësimi gradual, edhe pse priten ende edhe disa ditë të nxehta.
Gjatë javës së ardhshme në Shqipëri priten edhe reshje sporadike të cilat në disa rajone mund të jenë të fuqishme por afatshkurtëra. Në fund të javës priten reshje të cilat mund të përfshijnë tërë rajonin duke kushtëzuar edhe ulje të konsiderueshme të temperaturave./Meteoballkan
