Uragani i kategorisë 5 që llogaritet stuhia më e fuqishme në planet në këto çaste është afër Ishujve të Bahameve dhe momentalisht gjendet mbi ishullin Abako i cil gjendet në veriperëndim të Bahameve. Ky ishull gjendet rreth 300 km largë brigjeve të Shteteve të Bashkuara të Amerikes, respktivisht larg Majamit dhe Floridës.
Veriu i Bahameve do të godite orëve të ardhme nga erëra që arrijnë 300km/h, valë shumë të larta ndoshta dhjetëra metra dhe reshje të rrëmbyeshme shiu të cilat pashmangshmërisht do të shkaktojnë përmbytje katastrofike. Ishulli pritet të shkatërrohet si në aspektin infrastrukturor, poashtu edhe në aspektin vegjetativ.
Në foton kryesore mund të vëreni syrin e superstruktruar të Uraganit Dorian që indikon në fuqinë e madhe të stuhisë së kategorisë 5.
Uragani do të niset në drejtim të Floridës, por sinoptikanet ende nuk janë të sigurtë nëse do të godasë direkt Floridën apo do të bëjë një kthesë në drejtim të Karolinës jugore dhe veriore të cilat poashtu gjenden në brigjet juglindore dhe lindore të Shteteve të Bashkuara të Amerikes./Meteoballkan
