Kështu dukej Kosova mbrëmë nga sateliti pasiqë një sistem i fuqishëm vranësirash përfshiu vendin duke kushtëzuar edhe rrebeshe lokale shiu me vetëtima dhe bubullimë. Sistemi ishte i përqëndruar ekskluzivisht mbi territorin e Republikës së Kosovës siç mund ta shihni edhe vet në fotografinë kryesore.
Reshjet e shiu përfshinë shumë rajone të cilat një kohë të gjatë nuk kishin përjetuar as një pikë shi.
Edhe sot gjatë ditës, pasdite dhe në mbrëmje në shumë pjesë të rajonit tonë priten zhvillime të vranësirave konvektive të cilat do të sjellin rrebeshe lokale shiu me vetëtima dhe bubullimë duke përfshirë Kosovën, Shqipërinë, Maqedoninë Veriore dhe Malin e Zi, por normalisht reshjet nuk do të jenë gjithëpërfshirëse./Meteoballkan
