Nesër në Kosovë do të vazhdojë të mbajë mot stabil dhe kryesisht me diell. Mund të ketë edhe vranësira të pakta lokale dhe rrallë në ndonjë zonë malore mund të ketë ndonjë rigë ose rrebesh afatshkurtër shiu.
Temperaturat pritet të lëvizin nga 0 deri në 19 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell, por edhe me vranësira lokale. Pasdite priten zhvillime të të dukshme të vranësirave të cilat në disa rajone të Shqipërisë mund të kushtëzojnë rrebeshe të izoluara shiu me vetëtima dhe bubullimë.
Fundjava në Kosovë pritet të karakterizohet me mot kryesisht me diell, por edhe me vranësira lokale ku rrallë nganjëherë mund të ketë edhe ndonjë rigo ose rrebesh të izoluar shiu.
Pak më shumë zhvillime të vranësirave priten në disa vise në Shqipëri dhe perëndim të Maqedonisë së Veriut ku mund të ketë edhe zhvillime afatshkurtra konvektive me rrebeshe të izoluara shiu me vetëtima dhe bubullimë. Këto zhvillime do të jenë të në rajone të izoluara dhe në përgjithësi vazhdon moti i thatë./MeteoBallkan
