I tërë rajoni ynë sot është i mbushur përplot vranësira dhe vetëm lokalisht në disa rajone të pakta ka intervale kohore me diell dhe kjo vjen si pasojë e zhvendosjes së një cikloni nga Adriatiku verior në drejtim të Evropes lindore. Ky ciklon nuk do të ketë ndikim të madh në rajonin tonë, por megjithatë do të shkaktojë disa reshje të izoluara shiu me vetëtima dhe bubullimë.
Ditëve të fundit kemi shumë vështirësi në parashikimin e motit për shkak të situates konfuze sinoptike e cila po pëson ndryshime nga çasti në çast, por tani gjërat po sqarohen gradualisht.
Sipas ecurive më të reja sinoptike mot paksa i ndryshueshëm dhe me mundësi për rrebeshe lokale shiu pasditeve me vetëtima dhe bubullimë do të mbajë deri të enjtën. Nga e enjta shihet përfundimisht fuqizimi i madh i një anticikloni mbi rajonin tonë i cili do të shkaktojë stabilizim të plotë të motit dhe ngritje të temperaturave./Meteoballkan
